قصيدة إشاعه

قـــــالوا: يــحبّك وانت تمنع وصــــالــك؟!
مُــــر انقطاعك في لـــياليــــه راعــه
يســـأل و عيــنه مــشــتــهاها خـــــــيالك
ماله على طول الفـــراق اســــتطاعه
قـلت ادركــوني ..حــتى انا صـرت هالك
لا عــــود الـله لحظة مـن وداعــــه
ودّي أزوره لـــو تطــول المســــــــــــالك
و اخــشى يكرّر حكـم فــيــه القطاعة
قــالوا تغـــيّــر مـــا حـــصــل له مـــثالك
عـن غــير حـبّـك صـد وابدى امتنـــاعه
و جهّـــزت نفسي في دجــي لـــيل حالك
ولبّــــاه قلبٍ لـــه يـــسرق انصـــياعه
جــيته وقلت: احـييت روح بْســؤالــك
أبهـــجتني و الكـون عــــاد اتّســــاعه
كــــانه تكـــدّر في لـيـــــاليك حــــالـــك
حـــالي أنا من ضيـــعتي فــي جــزاعه
والنّــــاس قالــــت مـــا تخــــيّــر بدالـلك
خلّـــك بغــــاك وفي هـــواك اقتنــــاعه
أبـــدي انـــدهاش وقال: إِقطع وصالك
كـــل الكـــلام الـلّي ســـمعته إِشـــاعـــــه