أصل وصوره

 

 

باقي  صورة خيالك

                                  إنسيت  شكلك كيف

لا تحيرني بدلالك

                                  والأصل  غير الطيف

 ………………………………………………………………

                          سامروني

 

سامروني وانقضت  ساعه

                                    وأظلمت ليلة محبيني

ياعسىى  نتجمع  ارباعه

                                    واتّـهنا باللقا عيني

 

 ……………………………………………..

                            مسموح

 

انته سبب لا شعار  كلْها

                                    ياليت مرّه تقول مشكور

مسموح لو تهوى  تذلها

                                بس لا تخلىّ الوعد  محظور

…………………………………………………………….

                      

                           دمعه

 

                 

لو بداري دمعة  اشواقي

                                   وضّحتها حروف  معناها

صاحبي لا تحفظ  اوراقي

                                خوف بعض الناس تقراها

 

 …………………………………………………..

 

                          همسه

 

كنت آتمنى منك همسه

                                    فيها سلامك واشتياقك

القلب أخّر وعد شمسه

                                  والليل ما صّدق فراقك

……………………………………………………………….

          

                             ســـــــــر

 

وقت  لو رديت  لي ساعة

                                بكشفه  سر الهوى نوعه

بستخص الصاحب بطاعه

                               والسبب من لمسة صبوعه

 …………………………………………………………..

                         شهقه

   

أحس في صوتك صدى الحزن مخنوق

                           واحس في زفرة  معانينك شهقه

تمضي السنين و درب لاشواق مغلوق

                                والدرب لي خلّوه تاليه غرقه

………………………………………………………………

                           ورد

 

زعلان ورد الصبح منكم

                                 يوم انتظركم ماقطفتوه

أدمع ودمع الورد منكم

                               قطر  الندى لا ما  رحمتوه

 

  …………………………………………..                    

                      

                            اثنين

 

ماغابت الذكرى عن اثنين

                                   واحد  يحب وثاني يشوف

مرّت عليهم عِشْرة سنين

                                  ولا زال راعي الحب ملهوف

          ……………………………………………

                          هديّه

 

في المخابي  حط لي تمره

                                   قال بدخل قلبك شوية

شاف قصرٍ قال من قصره

                                     قلت هذا حقّك هْديّة

 

 ……………………………………..

                      

                          المستحي

 

ياقلب ماحصّلت  راعيك؟

                                   اللّي سنينه  من سنينك

بعض الوله بالمستحى اييك

                                   واحلى  سؤالٍ مِنْه وينك

…………………………………………………..

                        ســـاهر

 

ماتِحّركّ المشاعر؟!

                                 ماتعْذبْك الشجون؟!

مالمحت  عيون ساهر

                                كيف من  عقبك تكون

……………………………………………………

 

                          وينــــــــــــك

 

تسكت  وتسكت روحي وياك

                                يامستحلّ  الصمت  وينك

عايش على  تذكار  مغناك

                                  وسلواى  في دنياي  عينك

……………………………………………………………..

                     تصــــــــريح

فيك يامن سال عن جرحي

                                   قلت هذا الشعر وامثاله

ماكفاك آصّرح بجرحي

                                    دوم تسأل قلبي اشحاله

……………………………………………………………..

 

                             عــــــيني

 

ليتني في عينك اليمنى

                                      يامسهّر في الدجى عيني

 

………………………………………………………………

                     على كيفه

 

يوم  يينا نسهر رباعه

                                  أخرّ الموعد على كيفه

إنتظرته ساعه وساعه

                                 شفته يْواعد مواليفه

……………………………………………………….