قصيدة يـا مدوّر الـغـلـطة

 

يـا مدوّر الـغـلـطه عـلى قـلب مغـلـيك

ما اسْرَعْك ما تنسى مشاهد خطاياك

 

شـابـت حياتي مـنْك تـزعل واراضيك

واسْـمح خـطـاك وأعـتـذر واتـرجّـاك

 

سـلبتـني حـقّي وترفـع دعاويك؟!

أسكت وتوصلني من الناس شكواك

 

راضي وبتحــمّـلْك وبـكل ما فيك

ولو يـنتصف لي حـق باقول يفـداك

 

هذا الذي منـّي ولازلـت اداريك

وشيّ ٍ بـعد في القلب لازال يخفاك

 

من بـعد هـذا شـفـت زايـد تـغـلـّيـك

تـتصـيّد الـغـلطة عـلى من تمنّــاك

 

واخاف يـومٍ فـيـه اتــعـب اجاريك

وتـبـقى وحـيد وفي المتاهات منفاك