خـلاص .. ما بـمدح مـزاياك

وش لي أمجّــد لك معانيـك

 

أسـود شعر .. وان قلت حلاّك

ساوى نــهـارك مع لياليك

 

أبـيـض وثـلجك في ثناياك

أثلجـت قلبٍ عاش في أيديك

 

إيـديك يا اللي تغيـض مجناك

زهرك يغارك في مرابـيك

 

أحور وطرفك صـدق فتّاك

ما تـنقهر نـظرات عـينـيك

 

ياما اشـتـكوا لي منك ملاّك

قالوا سبانا .. شوف يسبيك

 

وياما بهـرني برق نجـلاك

أعمى عيـوني وخفت يعميك

 

عطرك صخب وازعجت لافـلاك

مالوا سكرى لي حواليك

 

 

 

شعـر وبـيــانٍ مـعـجـمـه فـاك

غالـب حديـثك من يجاريـك

 

كلما سـمـعـتك ضـاع لادراك

وكلما استثيرك ذبت أنا فيــــــك

 

صـوتـك يـزعّــل شادي الراك

وادمـى جروح بـروح مـغـليك

 

أحتار مــن قــولك ومعنـاك

ودوّرت في اللي هو بـيـغريك

 

طـبعك حياوى عكس مجـراك

رفـعة عـرب واجـلال يعـليــك

 

لـفـظـك كريـمٍ بـــس باشـواك

حـساس .. تـجرح من يداريـك

 

ويــا مـشاكسي هذي مزايـاك

يـمكـن تــلاقـي شـي يرضيك