قصيدة ميراث

 

ميراث حبِّ بين لاحباب مهمــــول

هذا عصب عينه و هذا تلعثم

ميراث عزوما طمـــع فيه مــذلــول

و لا لقى به راعي الجرح بلسم

مشهد غريب و ناظري فيه مذهول

ما بين كل الهم جرحي تبسّم

وش بسّمه؟ما كن له حد مقتـــــول

ليت آتعلّم مثل ما هو تعلّم

بالامس واعدني على موعد الحول

شخصٍ على رسم النهايات مغرم

وتجدّد الميعاد والشوق معـــــزول

ولا بغينا سيرة الامس تسلم

جينا..جلسنا بيننا حـــب مهـــــول

ورثٍ ثمينٍ..بس لمسه محرًم!