يناير 1, 2019 - قصائد 6    لا تعليقات

ثنائيات

 

لمْت نفسي ليش ازّعلكم

وانتو الاحساس معناكم

 

ماحَلَى حبْكم وربعتكم

قلبي (الغالين) سمّاكم

************

يالطيفين الهوى روفوا

قلب من يومين في حاله

 

ياكم المتّعذب وشوفو

لا تخّلونه على حاله

************

يافؤادي وش بعد تبغي

يوم كل الزين عّدالك

 

قال ياحلى لي وانا أصغي

كلمة المحبوب وش حالك

************

يامْرادي انته البادي

يبن لي حبّك وغنّيته

 

واشترك في لحنك فوادي

طاب لي فنّك وحبّيته

 

************

عشْت في لذات واطعمها

بالهنا واقول مااحلاها

 

واتّضح للنفس مطمعها

إنت في اللذات أحلاها

************

إنت مقصوده وموعوده

قلب حصّل مطلبه عندك

 

شي م الآهات مقصوده

آتذكّرها انا بعدك

 

عبدالله العويس

إقرأ المزيد »
يناير 1, 2019 - قصائد 6    لا تعليقات

قصيدة هايم

تدعي وانته تصّلي

وادعي لك يوم انا قايم

 

 

وين أدوّر وانت مثوْى لي

تنكتب عنواني الدايم 

 

 

ص . ب . والعارف يدّلي

في سكن ممطورٍ و غايم

 

 

واضح التفسير والحّلٍ

هايمٍ صابر على هايم

 

 

حّد ياخذ شي من كّلِ

إلاّ انا خذتك عطش صايم

 

عبدالله العويس

إقرأ المزيد »
نوفمبر 13, 2018 - قصائد 6    لا تعليقات

قصيدة ثلاث أيام

مّرت ثلاث ايام ما بان
                                   وأستوحشت عقبه دياره
ميعاد.. والموعود حيران
                                  خالي من الصاحب مزاره
الّلي سلامه لطف واحسان
                                 والقلب دايم في إنتظاره
ساعة صباح بود تزدان
                            سلام واستبشر نهاره

عبدالله بن محمد العويس

إقرأ المزيد »
نوفمبر 13, 2018 - قصائد 6    لا تعليقات

قصيدة متعادل

عشت ليل الود متعادل
                                               حكم والاحكام جبرّيه
حكم عن شرع الوصل غافل
                                               ليت لويمهلني شوّيه
دوم أنا في الود متعادل
                                                 أحسب السيرة على اليّيه
لانزيد ولا نبى نجامل
                                            حسبةٍ في العدل مرضّيه
مثلكم في الوصل يستاهل
                                           عد فوق الألف والمّيه
شوف غيري كيف متواكل
                                              ولّا انا وضّحت لي نّيه
وأحسبوا لي حسبة العادل
                                          حسبة الوافي على خيّه

عبدالله العويس

إقرأ المزيد »
نوفمبر 13, 2018 - قصائد 6    لا تعليقات

قصيدة كلامه

حلو الصاحب كلامه
                                   لو هو بدا محزون
روّح وارسل سلامه
                                  بالغالي المثمون
في شانه واحترامه
                                أفضيت بالمكنون
عندي عالي مقامه
                                 في مركزٍ مضمون
ولاهوب كّل رامه
                              ومراقاته .. ظنون
معنى وشرح الشهامه
                              في بوعلي بيكون

 

عبدالله العويس

إقرأ المزيد »
نوفمبر 13, 2018 - قصائد 6    لا تعليقات

قصيدة احضانك

في الخيال آبات قي احضانك
                                     بين راحاتي وآهاتي
في نعيم وبين بستانك
                                               إنت لذّاتي وغاياتي

 

عبدالله العويس

إقرأ المزيد »
نوفمبر 13, 2018 - قصائد 6    لا تعليقات

قصيدة المبتلي

المبتلي لا تعيبه
                            جاده عيبك جريب
قم ناصحه أو ثيبه
                            قول الفطن اللبيب
عدل الكلام ايّيبه
                       بمكمّل التهذيب

عبدالله العويس

إقرأ المزيد »
الصفحات:«1234567...24»

quadcopters