نوفمبر 19, 2014 - قصائد 2    لا تعليقات

قصيدة لعـبـك

 

 

في الهوى مزّعــت انا كـتـبك

ولا بقى وصـلٍ ولا مْعاتـب

 

ما يهمني من سكن قـربـك

وان بدى ما بـيـنكم جاذب

 

ولو تــزيّـن بالدلع دربـك

بالدلع ضيّـت لك صاحب

 

وان نويت تعــيـد في لعـبـك

من يـرجّـع وقـتـك الذاهـب

 

خَــلّْ مـيـزان الهـوى قـلـبك

واتّـضح لي غـيـر مـتـناسـب

 

شـوف قـلـبي لي تـعذّب بك

كـمّ له في ودّك مْـحاســب

 

اكـتـفى بْـتـاريـخ مـع حـبّـك

وانتـهـى بك وانـتـه الـكـاتـب

 

إقرأ المزيد »
نوفمبر 19, 2014 - قصائد 2    لا تعليقات

قصيدة إتـذكّـر

 

 

عِـد كـمٍّ وعـد خلّيـتـه

عِـد واتذكّر مواصيلي

 

ليش حبل الود يـرّيـته

ليش نـبّهتوا معاذيلي

 

يوم انادي حَد سمـّيـته

باسمك اللّي في مواويلي

 

ما بالومـك كان ملّــيـتـه

قـلـبي اللّي في تباهــيـلِ

 

بـس لا تنـسى تـصاويــتـه

يـوم غــنّى بـك تـدلّـيـلِ

 

أشـهـد انّه في تـشـتّـيـتـه

وأنت من لغـزك تعاليـلِ

 

وش بــسوّي في مواقيـتـه

يـشـتـكي قلبي تـملّـيـلِ

 

لـيت وعدٍ يوم وافـيـتـه

تـذكـره وتعود تاويـلـي

 

إقرأ المزيد »
نوفمبر 19, 2014 - قصائد 2    لا تعليقات

قصيدة انتـبـه!!

 

قال: لا تكتب وتـمد حنــا

نحـن أدرى عن معـانـيـنا

 

في بـروج الحـسـن مسكنّــا

ويـن ما نـنـظــر .. بساتـيـنـا

 

ما نـقـرّب نـبع موردنا

غـير من نبغـي ويعـنـينا

 

 

كيف تقدر أن تحذّرنا

عــن هـوىً وتقول يغـريـنا

 

ما حـصل مــن هـو بـيـفـتـنّـا

ما تـشـوف أنا سلاطينا

 

انتبه واخْـذ الحذر مـنّا

ما سلم من جا حوالـينا

 

لا تـقارب من محاضرنا

كان ما بلـّغـك داعيـنا

 

وأنت كيف يساورك ظـنّا

نـفـتـن بْـخل وبـيـبليـنا

 

أخذلتنا يــوم تـتجـنّـى

وأنت أدرى عـن خوافينا

 

نـنتـقـي دايـم ونـتـأنّــى

عـندما نخـتار غالـيـنا

 

نـسـتخـصّـه لو يزعّـلنا

مثـل ما نـبغي يجاريـنـا

 

 

 

إقرأ المزيد »
نوفمبر 19, 2014 - قصائد 2    لا تعليقات

قصيدة لوّمت نـفـسي

 

 

تـموت في عينـي وتـحييـك

ذكراك في قـلـبٍ يـودّك

 

لوّمت نفسي كيف اخـلّـيك

اموت يوم اذْكرك وحدك

 

ما صدّقـت عيني تبكّـيك

وجمّعت كل الـناس ضـدك

 

كلها تـفاكـيري تخـطّـك

صـدّيــت يـوم أرسلت وفدك

 

ياما أصبرك ع اللـي يجافـيـك

ويعـمـّـني بـاللطـف ردّك

 

 

 

من قـبل تأسرني معانـيك

يـا سيدي والـيـوم عـبدك

 

وش ما بــاسـوّي ما بـوفّـيـك

حـقّـك كـبـر والأمر عندك

 

معذور لو تعلن تغانـيك

ويا مْصيبتي في الناس بعدك

 

شنـّع بـنـفـسٍ فـرّطــت فــيــك

واذكر دموعٍ فـوق خــدّك

 

راضي ولا هـو من تـجـنّـيـك

لو تحرق فوادٍ يـودّك

 

 

إقرأ المزيد »
نوفمبر 19, 2014 - قصائد 2    لا تعليقات

قصيدة سَـوْ لي عذر

 

أزقرك وانـته تصد عنّي

يا حبيّبي وش عاد سويّـت

 

لا تحسبه فعلي تجـنّي

لو ما حصل لي يـوم لـبّيت

 

سَـوْ لي عذر من حسن ظـنّي

ويا ما عن أفعالك تغاضيت

 

ما تذكـر المعروف مـنّـي!

كنّك ولا يوم حبّـيت

 

يا ليت ما عـنْـك اشدهنّي

لحظات من بعض المواقـيت

 

والله لو تدري إش دهــنّـي

حالات دنيـايه تـشـتّـيـت

 

مشغـول باللّـي مشـتّـتـنـي

حرّم عليّه مجيل ومبـيت

 

هذاك أمره معـذّبـنّـي

يا اللي فلا  قـد قال وفّـيت

 

 

 

ومن فـوق حمل مْهـّكـنّي

اتزيـدني صد وتـعــنّـيـت

 

لك في الـصدود انـواع فـنّـي

وشروات هذي مـول ما رت

 

 

إقرأ المزيد »
نوفمبر 18, 2014 - قصائد 2    لا تعليقات

قصيدة جـذّاب    

جَـذّاب يا حلـو الصـبا

ما راق لي قبلك دَلعْ

 

زهو اللـيالي مجلسك

تغريـد والساهر سِـجَـعْ

 

فَتَّان واطرافـك شـغـب

ما تسـتـكيـن وترتـدعْ

 

مَيَّـال عودك مـنـتــشـي

فـيه الحكايا والـبدعْ

 

وأنواع ضكاتـك طـَرَبْ

جـذّاب تـبهـر من سمعْ

 

وِتْـحوط بـك كـل الـعــيون

وتـحب نظرات الـوَلَــعْ

 

وأنا بَـعَـدْ ما بـيــنهـم

أرسـلت هَمْس وما رجعْ

 

أشّـرت له ما رَدّ لي

مشغول عَني في دَلَعْ

 

إقرأ المزيد »
نوفمبر 18, 2014 - قصائد 2    لا تعليقات

قصيدة هـذاك …

 

سـايـر وباقــرا وردي

قـبل العـشا حزبـين

 

 

وايلاه لي متـصدّي

يـبغـي الهوى مرتـين

 

واسـتـبهتـوا من عـندي

لي يَعْـرِفـوني زين

 

 

في الـحَيّ شاعوا سَدّي

واستنكروا دلهـين

 

كل السـبب من ودّي

كمّل عِـمِـر سـنـتـين

 

 

هذاك لي متعدّي

ملياه قلب وعيـن

 

 

يَجبل وهو لمصدّي

ويا ليت لي قلـبـين

 

وايعاذلونه ضدّي

ناسٍ سَعوا واشين

 

 

 

 

إقرأ المزيد »
نوفمبر 18, 2014 - قصائد 2    لا تعليقات

قصيدة وش غـيَّـــــــــرَه؟؟

 

إسـمع صـدى مـفـتـونـك

يا مـن حـان اسْــفـره

 

عــذَب فــؤادي ظـعـونـك

ويـا ما أصعب منـظـره

 

ما كن لك مظـنـونـك

عـزّك طول ادْهــره

 

كـل اعربه يـفدونـك

ولا غـيـرك يـذخـره

 

ما شـفـت من يـسوونك

واسمك لي مفخرة

 

وأشوف من في عونك

هذاك وتزقـره

 

 

وأراجع تليفونك

وأقول أش غيّره

 

 

وتكلّمني بهونـك

عـن من تتخـيّـره

 

ما أحيد هذي فـنونك

الصّاحـب تنكره

 

لا تـنـساه امحزونك

في الآتي واذكـره

 

 

بـاسال ربـي يْـصـونـك

وأسألك المعذرة

 

 

 

إقرأ المزيد »
نوفمبر 18, 2014 - قصائد 2    لا تعليقات

قصيدة جــنـّـــــاتـــــــك

كـان هـــذا فـــعــــل جـنـاتــــــــــــك
عـيـشـــه برمضـاي ما اسهلْهــــــا
تسبــق اشـــواكك تـحـيـاتـــــــــك
والـتــحــايـــا مـــا تـــكمّـلْـهــــــــــا
وان طلبتـــك بـعـض نـظـراتــــــــك
آتــنــدّم يـــــــوم احـــصّــــلْــهـــــــــــا
حــيّـــرَت نــفـسـي مــعــاداتـــــــــــك
وانــت في الـســابــق تـــدلّلهــــــــــا
يــتــك تـتـوسّـــــل مـصافـاتــــــــــك
تستمــيــحـــك وتّــــجــــاهــلـهــــــــا
كيـف تــحــرمـهــا مراعـاتـــــــــك
وبـيــن جــنّــاتـــــك مــنــازلـهــــــــــا
تســألِــك نـفـســي مــداراتـــــــــــك
وانـت تـتـعـمّــــد تـمــاطــلــهـــــــــــا
وان لـفـتـهـــا بـعـض حسناتـــــــــك
بـــان فـيـهــا لـــي يــزلــزلـــهــــــــــا
حيلتـي ضـــاعـــت بـجــنّــاتـــــــــــك
ولـيــت مــا دلّــيــت مــدخلـهـــــــــا

إقرأ المزيد »
نوفمبر 18, 2014 - قصائد 1    لا تعليقات

قصيدة يا فتنتي

لغيت معنى الحب في ساعة ادراك

     واشغلت نفسي بين لاصحاب عقبك

أصبح معَ هذا و امسّي معَ ذاك

أغيّر الجاده و لا اجيه دربك

و نقلب الذكرى ة لا اعيد طرواك

و لا أقول القلب في يوم حَبّك

حتى تأكّد للورى موت ذكراك

عندي و هانت ضيقة اهواك خطبك

و في زحمةِ و الناس في ضجّة ارباك

قلبي على غفلة تناسيه حس بك

قابَلْتني و تلعثمت نفس مضناك

و الرّوح ذابت شوق في احضان قلبك

أدمعت عينِ كذّبت حلم روياك

واخجلت قلبِ خاف بالأمس قربك

ما كنت أظن اليوم بتعود لقياك

و انا الذي ودّعت شرقك و غربك

اعجاب يا خلّي من احوال دنياك

يا فتنتي في الناس .. ثرني أحبك !!

إقرأ المزيد »
الصفحات:«1...1718192021222324»

quadcopters