قصيدة مَنْسي

الأمس راح و كرّر الوقت أمسي
و تشابهت لايام ما بين عيني

هذاك جرحِ عظّم جروح نفسي

كل الحوادث شفتها تنتحيني

واليوم يا وقت تخايلت يأسي

و تشتّت لآمال معْها سنيني

ليتك تجاوب جمله حروف همسي
يا ذا الزمان اللّي تجاهل حنيني

حزني طويل وبين لاشواق منسي
أعلى الحواجز بين فرحي و بيني

مواكب الآهات في القلب تمسي
حاولت ابعّدها و لكن تجيني

تكسّفت في كل لاعياد شمسي
أغلى الأحبّه ودّعتهم يميني

يومِ بقى لي…يا عسى غير أمسي
و يجمّل الأيام من بين عيني