يوم درتوا لي على بالي واحتجبتوا عن نظر عيني       قلت باكتبكم بالاسجالي من اسمكم حرف يكفيني

متلازمين ومستهمين ولا اطّالع عيوني عيونه على الموادع مستعدّين و الحب في مغالَط ظنونه

حَــل بِعدٍ… بس مـن حَـلِّـه حل وامحل حالــة احـــوالي حلـم محــرِض والسفر حَـلّه نــام وِبْـعلم العنـا اوحى لـي

دنيا و فيها الــضيج ما بشّرت… مرتصّه نشرب دَهـرها ويج وين البخت لو نصّه ما اشوف له توريـج

قال :ودّي تـــقول متولـــه ذاك فــي التعبير يرضينــي     قلت : من شرطك بِدَت علّه و انت ادرى عــن مضاميني

هذا الضـجر ما طاف شهره يا اهــل النظر شوروا عليّه     بينــي وبين المــس شعــره و الــــدار مــن حــولي خليّه

طــــار وتْبرّا من غصونه طــــايرٍ مـا طـاب لــه فنّـه يبتصر فـــي العالي اركونه و الـــمدى لي هــومـحـيْرنّه

اذكَـرك و اتـــذكّر لـك علوم يــــوم الــهوى تــوّه وتــوّك أمشي و تركض ركضة اريوم كــنّ اختـــلف وارتــاب جـوّك

هـــو غــرّر بي وانا طــعـته و لـو عرفت اقصــاه ما ييته يـجذب العشّاق في صــمته و ان تحــدّث لــــي تفــدّيته

مــا تِذكـر ايام الــهوى اويـاك وان قــلت ما تِذكرك باذكِّرْك ما شفت من غـلاّك خـلاّك ما احيد له في يوم غـيَّرْك