نوفمبر 20, 2014 - قصائد 3    لا تعليقات

قصيدة عــــن…….لا

                              

 

قيّدت  نفسي بالسلاسل

                                   عن لا تقول الناس عيّال

و صافيت كل من كل عاذل

                                 و ارضيت من بوطبع زعّال

مالي على لوم و مشاكل

                                    واللّي يعاند ربعه…هبال

و الراي بين الناس ماثل

                                    ناخذ بلين القول لامثال

دون الصعب خذنا التساهل

                                      حتى اليسير يْغير احوال

وان حلّت بحالي نوازل

                                    قطّعت عن خلاّني اوصال

ما اغث خلاّن المواصل

                                       غالين ما ابى تيهم اوبال

أبعِد و اغيّر لي منازل    

                                      منكور حلو الحال لو مال

إقرأ المزيد »
نوفمبر 20, 2014 - قصائد 3    لا تعليقات

قصيدة عذْب الهوى

                      

دنيا على امّا فيها

                                 ما فيها  لي شراك

دار العرب  ما اييها

                               يوم احتجب ملفاك

والعين  ما يغنيها

                                  لي بالشبه  ساواك

حتى  و لا يلهيها

                                  لحظة سهو تنساك

عْذب الهوى  يغريها

                                   وْ لاتستلذ بْلاك

يا ذا المحب  انهيها

                                  حاله عقب فرقاك

بالوصف كم ارويها

                                  والعــــــــــين  تتحراك

ليت الصبر يرويها

                                  نفسٍ شِرِبْها ماك

و القول في تاليها

                                            بعد الغالى هلاك                            

إقرأ المزيد »
نوفمبر 20, 2014 - قصائد 3    لا تعليقات

قصيدة روِّحوْا

روّحوا لي كانوا احذايه

                                      واتركوني في الهوى  روحي

عذبوني .. قالوا  ابرايه

                                    يوم  ياهم في الخبر نوحي

بالدموع الروح  منسايه

                                  والشروح  وضوح في جروحي

عن بكاها  النفس  منهايه

                                          كم تعذر  للملأ بوحي

قلب و تبدل لحن  نايه

                                         و انجبر بالمشتكى يوحى

نزلوا  له  في الهوى  رايه

                                  و كْسروا  له  في الرجا لوحى

شوق والاحباب معنايه

                                          مالقت  غيّابها روحي

إقرأ المزيد »
نوفمبر 20, 2014 - قصائد 3    لا تعليقات

قصيدة كم ارضيتك

                            

 

يا زين كم ارضيتك

                                    و العدل منكم  زين

احرِمْت  شوفة بيتك

                                      و  تأشّـــــــــر  بْحــــــــــــدين

محّد يِغث مْبيتك

                                  م السعد لك صبحين

هلكان من تشتيتك

                                       يا  وين  قلبك وين

هذا جزاي أغليتك ؟

                                         يْقال لي مسكين

ليتك مكاني ليتك

                                      بتعرف معنى البين

لو ما القهر ماييتك

                                         بالحب مبتلـــــــشين

وان كان ما لا قيتك

                                        بنمــــــــــــــــوت متولهين

إقرأ المزيد »
نوفمبر 20, 2014 - قصائد 3    لا تعليقات

قصيدة سحايبْك

  ريضان قلبي من سحايبْك

                                   شِ اللي منعها ؟ صاحبي خير

  سهران واتلمّس هبايبْك

                                      يامرتّل اشعاري على الطير

الناس شافت  بي عجايبْك

                                      تبغى على التبيان  تفسير

قالت  بعدْك تحب غايبْك؟!

                                       وتغــــــــــــــــــــــــالط لساني تعابير

وايبان لي في الناس عايبْك

                                          و انـــــا تـــــــــــــــعاندي تدابير

   هذاك كله من سبايبْك

                                    يوم  انحسب مسعاي تقصير

خذني و  قلبي  في طلايبْك

                                       يرضيك حالي في مخاسير ؟

ماشفت لي في الحب نايبْك

                                      ومثلى فلا بتشوف لك غير

إقرأ المزيد »
نوفمبر 20, 2014 - قصائد 3    لا تعليقات

قصيدة الاشهبيه

                          

ليت  تتوله عليه

                                 كثر ما اتوله عليك

ودّى  افرح بالهدية

                             منْك كم تسوى.. بييك

كم عزمت  اقصر يديه

                                 عن هواتف تعتنيك

ليت  لو نْغيّر  شويّه

                                   تلتجي لي واتجّــــــــيك

في الليالي  الاشهبيّة

                                يوم  مالك من شريك

باتحس بي وش عليه

                                   وبتذكّر  وش عليك

 

إقرأ المزيد »
نوفمبر 20, 2014 - قصائد 3    لا تعليقات

قصيدة غَفْله

                         

ييتني  والنفس في غفلة

                                     وابتهت وقلت  وش يابه

صاحب قطّع حبل وصله

                                       رد يذكر أول اصحابه

عَد وعْدٍ صدق أو مَطْله

                                    مرحبا به والف  حّيابه

فرض ياقلب  الوله صلّه

                                  دوم  والحاضر  له اوجابه

قلب واينادي هوى  ضله

                                      ثْره  عنده  فاتح  ابوابه

يلتفت وايدوّر الظله

                                      يوم  كلَّ تحت  سحّابه

هالزمن واللّى بعد  قبله

                                     دوم  انا والقلب نحيابه

إقرأ المزيد »
نوفمبر 20, 2014 - قصائد 3    لا تعليقات

قصيدة  حَضْرتكم

                            

ليش  خبرتوا  مضانيني

                                   يوم ياكم  شوقي وخصكم

وش بسوّى  في المداينيني

                                     واعربي شافوا  محبّتكم

كيف اوايهّهم بتبيني

                                   يوم شاع  السرْ حضرتكم

اسمحوا لي في المضاميني

                             في حضور  الصاحب  اعذلكم

وازعِلْوا  عند المواشييني

                         وان  بكيتوا .. زين .. احسن  لكم

ذا وبسمّميكم شياطيني

                                   آه  يالعّذال ما اكــــــــــرهكم

واخذوا المعنى على ليني

                                   لا يحس الغالي احــــــــبكم

إقرأ المزيد »
نوفمبر 20, 2014 - قصائد 3    لا تعليقات

قصيدة داووني

 

قلت  داووني و بانفعكم

                                       ليت لو قلبي اتداوونه

بس ما تصغي مسامعكم

                                        مشغلنكم  لي تودّونه

افتكر  في ماضي ٍمعكم 

                                          كيف مثلي ماتبرّونه

ماحصل لو يوم  ازعّلكم

                                    وارتضى  باللي  تسوونه

دوم وآصلّى  فْي جامعكم

                                      في المكان  اللي تحيدونه

قال كيف الراي ومنعكم

                                         ذاك  دربي لا تمرّونه

قلت  مالي حاجة  آتبعكم

                                    بس هذا دربي امبونه

إقرأ المزيد »
نوفمبر 20, 2014 - قصائد 3    لا تعليقات

قصيدة حلو الليالي

 

كانه صفا لي الشّي  خذته

                                          وآبات  في سعد وتهنّي

وكانه  عصى لآمال  عفته

                                  ما اعيش في حسرة  وتمنّى

والحال والمسعى  بذلته

                                   في شف من هو  مرضيِني

الزين  من فرقاه  صحته

                                      والشين مايرضاه فنّي

والصاحب اللّي  في صحبْته

                                     زود السؤال  وشك ظنّي

البعد أولى من ربعته

                                   وأن كان في الأول فتّنى

ليل القهر لا ماعرفته

                                     حلو الليالي عوّضني

إقرأ المزيد »
الصفحات:«1...12131415161718»

quadcopters