أرشيف يناير, 2019
يناير 1, 2019 - قصائد 6    لا تعليقات

قصيدة باب القلب

دلّيت باب القلب وادخل

عرفت كيف يطيب راعيك

 

طاف الزمان وتم الافضل

مادام مضنونك يراعيك

 

لو ما ارتباك الحال يحصل

مابيّن الوافي وشانيك

 

الشين بالمعروف يبخل

والزين بالحسنى يبّديك

 

طاب الزمان وطيّبه طل

وتحّرك المعنى على ايديك

 

لاباس بعض البعد يطّول

مادام بالغالي يوافيك

 

عبدالله العويس

إقرأ المزيد »
يناير 1, 2019 - قصائد 6    لا تعليقات

قصيدة النادر المتناثر

مشغول قلب الشاعر

آعامل الاحساس

 

على القريض مثابر

كم اشهدوا لي ناس

 

تعلّيت المنابر

وخصّيت لي جلّاس

 

نشيدي المتواتر

في معاين الاجناس

 

الاوّلي والعاشر

آحّط له مقياس

 

أسقي ولو هو ثابر

بحر اغزره حساس

 

والنادر المتنائر

أشعلت به نبراس

 

سجّلته في المحاضر

وغرّد به الاحساس

 

عبدالله العويس

إقرأ المزيد »
يناير 1, 2019 - قصائد 6    لا تعليقات

قصيدة ميزانك

 

قبل ماانادي تلّبي لي

وان عنيتك شفتك الوافي

 

عدل ميزانك ولا يميلي

من سماحة قلبك الصافي

 

ماتبى في الحق تبديلي

رضوة الصاحب لك انصافي

 

تستخّصه بالمجازيلي

طيب ود وذوقه اصنافي

 

وان تبادلتو المراسيلي

دوم في المردود ملطافي

 

في ودادك ضاع تحليلي

تختصرها جفوة الجافي

 

عبدالله العويس

إقرأ المزيد »
يناير 1, 2019 - قصائد 6    لا تعليقات

ثنائيات

 

لمْت نفسي ليش ازّعلكم

وانتو الاحساس معناكم

 

ماحَلَى حبْكم وربعتكم

قلبي (الغالين) سمّاكم

************

يالطيفين الهوى روفوا

قلب من يومين في حاله

 

ياكم المتّعذب وشوفو

لا تخّلونه على حاله

************

يافؤادي وش بعد تبغي

يوم كل الزين عّدالك

 

قال ياحلى لي وانا أصغي

كلمة المحبوب وش حالك

************

يامْرادي انته البادي

يبن لي حبّك وغنّيته

 

واشترك في لحنك فوادي

طاب لي فنّك وحبّيته

 

************

عشْت في لذات واطعمها

بالهنا واقول مااحلاها

 

واتّضح للنفس مطمعها

إنت في اللذات أحلاها

************

إنت مقصوده وموعوده

قلب حصّل مطلبه عندك

 

شي م الآهات مقصوده

آتذكّرها انا بعدك

 

عبدالله العويس

إقرأ المزيد »
يناير 1, 2019 - قصائد 6    لا تعليقات

قصيدة هايم

تدعي وانته تصّلي

وادعي لك يوم انا قايم

 

 

وين أدوّر وانت مثوْى لي

تنكتب عنواني الدايم 

 

 

ص . ب . والعارف يدّلي

في سكن ممطورٍ و غايم

 

 

واضح التفسير والحّلٍ

هايمٍ صابر على هايم

 

 

حّد ياخذ شي من كّلِ

إلاّ انا خذتك عطش صايم

 

عبدالله العويس

إقرأ المزيد »

quadcopters