نوفمبر 20, 2014 - قصائد 3    لا تعليقات

قصيدة سحايبْك

  ريضان قلبي من سحايبْك

                                   شِ اللي منعها ؟ صاحبي خير

  سهران واتلمّس هبايبْك

                                      يامرتّل اشعاري على الطير

الناس شافت  بي عجايبْك

                                      تبغى على التبيان  تفسير

قالت  بعدْك تحب غايبْك؟!

                                       وتغــــــــــــــــــــــــالط لساني تعابير

وايبان لي في الناس عايبْك

                                          و انـــــا تـــــــــــــــعاندي تدابير

   هذاك كله من سبايبْك

                                    يوم  انحسب مسعاي تقصير

خذني و  قلبي  في طلايبْك

                                       يرضيك حالي في مخاسير ؟

ماشفت لي في الحب نايبْك

                                      ومثلى فلا بتشوف لك غير

إقرأ المزيد »
نوفمبر 20, 2014 - قصائد 3    لا تعليقات

قصيدة الاشهبيه

                          

ليت  تتوله عليه

                                 كثر ما اتوله عليك

ودّى  افرح بالهدية

                             منْك كم تسوى.. بييك

كم عزمت  اقصر يديه

                                 عن هواتف تعتنيك

ليت  لو نْغيّر  شويّه

                                   تلتجي لي واتجّــــــــيك

في الليالي  الاشهبيّة

                                يوم  مالك من شريك

باتحس بي وش عليه

                                   وبتذكّر  وش عليك

 

إقرأ المزيد »
نوفمبر 20, 2014 - قصائد 3    لا تعليقات

قصيدة غَفْله

                         

ييتني  والنفس في غفلة

                                     وابتهت وقلت  وش يابه

صاحب قطّع حبل وصله

                                       رد يذكر أول اصحابه

عَد وعْدٍ صدق أو مَطْله

                                    مرحبا به والف  حّيابه

فرض ياقلب  الوله صلّه

                                  دوم  والحاضر  له اوجابه

قلب واينادي هوى  ضله

                                      ثْره  عنده  فاتح  ابوابه

يلتفت وايدوّر الظله

                                      يوم  كلَّ تحت  سحّابه

هالزمن واللّى بعد  قبله

                                     دوم  انا والقلب نحيابه

إقرأ المزيد »
نوفمبر 20, 2014 - قصائد 3    لا تعليقات

قصيدة  حَضْرتكم

                            

ليش  خبرتوا  مضانيني

                                   يوم ياكم  شوقي وخصكم

وش بسوّى  في المداينيني

                                     واعربي شافوا  محبّتكم

كيف اوايهّهم بتبيني

                                   يوم شاع  السرْ حضرتكم

اسمحوا لي في المضاميني

                             في حضور  الصاحب  اعذلكم

وازعِلْوا  عند المواشييني

                         وان  بكيتوا .. زين .. احسن  لكم

ذا وبسمّميكم شياطيني

                                   آه  يالعّذال ما اكــــــــــرهكم

واخذوا المعنى على ليني

                                   لا يحس الغالي احــــــــبكم

إقرأ المزيد »
نوفمبر 20, 2014 - قصائد 3    لا تعليقات

قصيدة داووني

 

قلت  داووني و بانفعكم

                                       ليت لو قلبي اتداوونه

بس ما تصغي مسامعكم

                                        مشغلنكم  لي تودّونه

افتكر  في ماضي ٍمعكم 

                                          كيف مثلي ماتبرّونه

ماحصل لو يوم  ازعّلكم

                                    وارتضى  باللي  تسوونه

دوم وآصلّى  فْي جامعكم

                                      في المكان  اللي تحيدونه

قال كيف الراي ومنعكم

                                         ذاك  دربي لا تمرّونه

قلت  مالي حاجة  آتبعكم

                                    بس هذا دربي امبونه

إقرأ المزيد »
نوفمبر 20, 2014 - قصائد 3    لا تعليقات

قصيدة حلو الليالي

 

كانه صفا لي الشّي  خذته

                                          وآبات  في سعد وتهنّي

وكانه  عصى لآمال  عفته

                                  ما اعيش في حسرة  وتمنّى

والحال والمسعى  بذلته

                                   في شف من هو  مرضيِني

الزين  من فرقاه  صحته

                                      والشين مايرضاه فنّي

والصاحب اللّي  في صحبْته

                                     زود السؤال  وشك ظنّي

البعد أولى من ربعته

                                   وأن كان في الأول فتّنى

ليل القهر لا ماعرفته

                                     حلو الليالي عوّضني

إقرأ المزيد »
نوفمبر 20, 2014 - قصائد 3    لا تعليقات

قصيدة نوعك

 

خذ من اطباعي  على اطباعك

                                      نكتمل لاثنين في الغايه

في حياتي ماشي انواعك

                                    انت دون  الناس منوايه

فرق في سيرك ومرجاعك

                                      مثل ما موتى ومحيايه

آه يوم  اتدّاري اطباعك

                                      تتضح لي روح مساميه

ماتبى في الناس شفاعك

                                     انت من تخضع له الرايه

عز من عزك ومن طاعك

                                  منك  دوم النفس مرضايه

في الخيال يبان مطلاعك

                                 من ظنوني شفتك احذايه

إقرأ المزيد »
نوفمبر 20, 2014 - قصائد 3    لا تعليقات

قصيدة حد وحد

                                  

سدّيت  بابي عنهم 

                                  لي  يطلبون  الود

كلهم  يبون اوشلهم

                                  في الناس حد وحد

يوم  الصفاء  ما احسنهم

                                    كـــــــلٍ بحبلٍ  مـــــــــــــد

والغافل  ماعَرفهم

                                    عَـــــــــن  الوفـــــــا مارَد

تشوفهم ماسْهلهم

                                     مابان  منهم  ضد

الله يا ما اشنعهم

                                      كانه  بَخَتْك ارتد

مالي على  ربعتهم 

                                 في البعد قالوا سِعْد

عندي عوضهم كلهم

                                  حد عن هواهم  سد

إقرأ المزيد »
نوفمبر 20, 2014 - قصائد 3    لا تعليقات

قصيدة الساحر

                                

 

ورد … يا مورّد بساتينك

                                     كيف نجني منك تفّاحك

كم  بغينا  نطعمه  تينك

                                 واعترض من عينك سلاحك

طرشوه السّاحر يْشينك

                                يوم  زادك حسن  مسباحك

واسحرنّه منك هنتينك

                                   رَدْ عن سيرك و  مرواحك

و كم سهرنا في مسا عينك

                                  من عفافك  خيّل وْشاحك

وامسك النّاسك على دينك

                                  واســــتحلت روحه ارواحك

إقرأ المزيد »
نوفمبر 20, 2014 - قصائد 3    لا تعليقات

قصيدة خِـــــــلّـــــــه

                           

صدق  خِلّه  لي ترك خِلّه

                                    صاحبي من كم  ماشفته 

هوب كِله  هَا الْوله  كلّه

                                     لا.. بعـــــد لـــــه شي يوّدتّه

   شي شله وشي ما شلّه      

                                      طــــــايري بالهون حَمّلته                                                                                                                                                

حال ما دورت فسرٍ لّه

                                   ذوق حب و شي ما ذقته

منقطع وصله وله خِلّه

                                      في الفواد اللى به امّلته

وقمت اداوي العله بعلّه

                                      كــــــــــل ما الاقيه  ودّعته

 

 

إقرأ المزيد »
الصفحات:«1...13141516171819»

quadcopters