نوفمبر 27, 2014 - قصائد 2    لا تعليقات

قصيدة المتباهي

                         

 

اللّاهـــــي المتباهــــــي

                         وش حل به و ابتعد

آرّث سعير  وْ  واهي

                            في الخاطر و اتـــقّد

لي بَـيْعَنيه يْناهي

                               لو هو دربه شدد

في مْلاقاته مناهي

                              مخطور يوم يْصد

شانه عظيم الجاهي

                                كنّه حــــــــاكم بلد

لو يسقيك الدواهي

                              تـــــَـــبغي ودّه بــــَــــعد

 

إقرأ المزيد »
نوفمبر 27, 2014 - قصائد 4    لا تعليقات

قصيدة بدون احساس

                         

رابعت لي ما يستخل حد

                        خالي المشاعر و الاحاسيس

عدّيت له ما يابه العد

                          محسوب عدّي في تفلّيس

أييه عقب البعد بالود

                            وآرد كنّي مشاهد ابليس

كنّه عن الافراح مرتد

                          و مْشاهد الغربان تنحيس

يا ليت مره يْحسّ و يرد

                        ما يحتمل وضع الهوى حيس

ينقص حبلٍ دوم مشتد

                              لكن ضايع فيه تَدْريس

المــــــــر  في مــــلقاه وانكــــــــد

                    و يا اهل الونس يودوا بتونيس

 

إقرأ المزيد »
نوفمبر 27, 2014 - قصائد 2    لا تعليقات

قصيدة مبعودك

                            

عود يا الـمــيعاد بوعودك

                          لو على مَطْل الوعد.. عادي

ناح موعودك على عودك

                          وْ لا ظِهَر طيرك على اعوادي

هام مبعودك ولا يْرودك

                            والعطش عطّشته عنادي

من ودادك بت محسودك

                           وْلا عرفْت اشْكال حسّادي

دمت مفنودي ومفنودك

                             لا تحاتي حيلة اضدادي

دامني ما زلت مقصودك

                              تعتدل في عيني اعيادي

حد من حسناه في قودك

                          وْحد لو تصخي له .. يْعادي

 

إقرأ المزيد »
نوفمبر 27, 2014 - قصائد 2    لا تعليقات

قصيدة لـــــــــــــــذّة وعـــــــد

                          

لو قلت حـــبّك وايد

                               الوايد ما وفاك

في بستان القصايد

                             غنّيت انا معناك

حال الغريب العايد

                             الحـــــال فـــي ملقاك

أشربْك حبٍّ زايد

                              بـــــالشوق واتـــهنّاك

واعيش بك متعايد

                             طـــول الحياه وياك

يا لذّات الوعايد

                            المــــــــوت فـــــي فرقاك

يَــر انفاسي وقايد

                             مـــــــن روح تتفدّاك

عقبك عفت الوسايد

                           والحــــــال ما يخفاك

إقرأ المزيد »
نوفمبر 27, 2014 - قصائد 4    لا تعليقات

قصيدة طلاّبــــك

                             

ليش ما تتطّالع اصحابك

                                    واتّطالع مـــــــــنّه و مــــــــــنّه

مات يا الشّحّاح طلاّبك

                                 و ان عطيته منّه  فـْ  منّه

ضاع يوم عْتابك حسابك

                                 و العتب له درسٍ و سِنّه

دام ما تنشد عن احبابك

                                 لا  تميل الـــــرّاي و تظــــنّه

عد كم دّقيت انا بابك

                                   قــــــــلب والحرّات يصلنّه

واهي الآهات ما يابك

                                  والــــــــزّقر ما تفهمه فـــــــنّه

ما تشوف القلب يرضى بك

                                 ع الذي سوّيت و تكـــــنّه؟

سيرةٍ بتكمّل كتابك

                                   بالـــــــنّدم ودٍّ مـــــضى غـــنّه

إقرأ المزيد »
نوفمبر 27, 2014 - قصائد 4    لا تعليقات

قصيدة بستان الاحساس

                      

 

 

ياليت انا لي عشرة احضان

                                    أبغـــي أوَفـِّي لــــي مضانين

هذا يبى للشوق برهان

                               وهذاك له م الشوق شوقين

واللّي غمرني بلطف تحنان

                                   بعطيه روح و قلبٍ و عيـن

أخاف عن يختل ميزان

                                   في الود و تضيع البراهين

سوّيت م الاحساس بستان

                                    واقول يا الغالين والين

بي شرط وِد و حق خلاّن

                                   واعَرْف دربه ينتهي وين 

إقرأ المزيد »
نوفمبر 27, 2014 - قصائد 4    لا تعليقات

قصيدة رد الغرام

                            

 

رد الغرام اللّي عطيتك

                                   كلّه و حتى الشعر ردّه

عِد الخطى لي يَتْك بيتك

                                    بَتْــــــعرف قلبي كم ودّه

بَطلاب نفس بْحب ييتك

                                باشواق فيها احوال عدّه

يا معلنٍ بالصد ليتك

                                  قدّرت من قدّرْك عنده

إقرأ المزيد »
نوفمبر 27, 2014 - قصائد 4    لا تعليقات

قصيدة لو بَوْصيك

يا قلب لو بَوْصيك تنساه

                               إن ياك داعي الود لبّــــــــه

لو في طِباعه نوع مجفاه

                                واهيك م الحسرات خبّه

و ان شفت في المطلاع شرواه 

                                   واريك للاّفين شِــــــبّه

يمكن  يكون الغالي اوياه

                               و يْحــــــــــــــــصِّل المشتاق حَبّه

 

إقرأ المزيد »
نوفمبر 27, 2014 - قصائد 4    لا تعليقات

قصيدة تغنــــــــّي

غبت عني و اشتبه ظنّي

                               يوم يتني عقبك اجناسي

من عرفتك وانت متأنّي

                             في الوصل و تحاتي الناسي

ليتني  .. و ابغى .. و متمنّي

                            قول منْك وما به احساسي

لو احيدك دوم متعنّي

                               كان عــــــذّرتك عذر ناســــي

شاطر الاّ تمتدح  فنّي

                            وفي المصاب تزور و تواسي

هو هذا وذاك مرضنّي

                                 لا و لا يكفيني اتماسي

ييت أو ما ييتك ..تغنّي!

                                 ليت مره ..مره تجاسي

 

 

إقرأ المزيد »
نوفمبر 27, 2014 - قصائد 4    لا تعليقات

قصيدة شرهة ود

                       

ابتدينا في الهوى اثنينه

                                   و افترقنا  قلوبنا عشره

و الوداد اللي مراضينه

                                  رد من عقب  اللقا يشره

كيف له بيرجّع سنينه

                                يوم طارت  في الهوى نشره

مثل ما وقتٍ مْعَيْدينه

                              جمع شوقٍ و انقضى حشره

ما ادمعت عيني  و لا عينه

                                   بِعـــْـــــــد والاخبار منتشره

حب و العشاق ناسينه

                                    دام كلٍ في الهوى عشره

 

   

 

إقرأ المزيد »
الصفحات:«1...11121314151617»

quadcopters