مـا بييك و لا بعـد بسـأل لا و لا بسألك وش حـالك خِذ من دْروب الجفا الأسهل دام بعـدي عـنْك يحـلى لـك

آه يـا مــن عـانـد فـواده واستحى يطلب مواعيده خـاف حـسـّاده ورصّـاده شـرط نـاسٍ وثـّقـوا قـيده

اليــوم سابع مستخـلّي ولا يْدوّر الجفوه مشوَّق ما هــو بْحـال الـمستملّي ولا هـو بْحال اللّي مطوَّق

فــي الــود لـو بنـعـدّل اوضاع مـا فــادنــي ودّك صــلاحــه ما فـاد في المخذول شفّاع معـدوم حـالـه و انـتـصاحـه

أعِــد ربعة قلبي ويـاك و اشوف كمّلنا عَشِرْها واعــد كـم القـلـب لـبـّاك من نفس يحلى لي زقرها

وش يـاك ما سوّيت ” فـولـو “ چـنّك نسيت اصحاب واحباب مـا يلـعـب المشتاق “بـولـو” شروات لعب الحب ما طـاب

مستكثر الهاتـف علينا يرسل سؤاله بالرسايل كـنـّا ابـتـديـنـا وانـتهينا و تقطّـعـت كـل الوسايل

نود ناسم .. هب ذعذاعي مِن جدا اللّي شوفه ايسلّي طيب ريحه .. زهره انواعي نــرجسٍ مــع فــايعْ الـفـلّـي

يـاليت قلبـي ما عـرفكم ليـت الـمـودّه عني بعـيد حيث المدامِع من سببكم القلب شاقي لاظي وْقيد

محّد بقى لي م المضانين مـا تـم منهم يا عـرب حـد عديتهم عشره وعشرين و اليوم تصفر عقبهم يــد