عبدالله العويس | موقع عبدالله العويس

رِد العَهَد وتقّرب

                               بنغيظ بك حسّاد

راعي الاصل متغّرب

                               والقلب له ودّاد

خَط البيان معّرب

                          لاهل الوفا لايواد

شرط الوصل لمجّرب

                          ماينّخذ بعناد

ميعاده المتّهرب

                              لابد له ينعاد

يتعّدل المتخّرب

                            من تجتمع لاعضاد

بنرّده المتسّرب

                    لي ظن بانّه ساد

” الكرز ” فّتح نواويره

                        والربيع بْزاهي الوانه

في صباحاته تباشيره

                        لي على الميعاد ولهانه

يوم وان طالت مشاويره

                          زان في التعبير عنوانه

إقصروها دارٍ وديره

                        ورد في اليابان بستانه

حّسيت بك متوّله

                         وانت تْرد النّفَس

وتْحرّك عن محلّه

                         شوق وتوق احتبّس

ويْعاملة ويْدلّه

                          لي في الود احترس

أرخى له واستحّله

                       ماعانده بالعكس

بايت حريب افراشي

                            من سعّايٍ نميم

من مسلكه يتعاشي

                       لو يضرب له حشيم

هذاك وصف الواشي

                           قول وفعلٍ ذميم

بين اعرابه متلاشي

                         حِرْم القلب السليم

يحتال عند الراشي

                        يشكي ناسه .. ظليم

عن الجدا متحاشي

                              ما تلقى له لزيم

كلْما نويت اغيّر اسلوب

                         وياك تنهاني العبارات

وان ييت اغيّر دونك دروب

                     تمتاز لك في العين لمحات

مااحلاك رغّاب ومرغوب

                         والظّن واضح عندك اثبات

يوم ابتدي بك قبلك آذوب

                           مغشاي واطرافي نديّات

لو ماعلينا اللوم محسوب

                               إن كان عّوضنا الذي فات

دوّرت غيرك حًّد ينوب

                       ما اشوف غيرك إنت بالذات

ما احلاك يوم تقول حاضر

                         يا ملبّي فوادٍ يحبّك

ما ينكسر لي منك خاطر

                        يطغي لظى الملهوف قربك

كل شوق له في الود آخر

                               إلّا اشتياقي .. يعتمر بك

يكتب على الديوان ” نادر “

                                  شعر انكتب لك .. واشتهر بك

بسأل الله يا الخوي توبه

                           يغفر ذنوبي مع ذنوبك

ودْعوات العيد مرغوبه

                       صاحبي سيّرتها صوبك

ما طلبت الّا الوعد ساعه

                          واعتذر تعبيرك الصامت

السموحه .. والهوى طاعه

                          ماخشيت إلّا حكي شامت

بايت على حبّك اغنّي

                       واراجع الألبوم واختار

أحلى الصور وأحلى التمنّي

                          وأحلى حكاية ود سفّار

أغفي على الفرقا واحنّي

                        وارضي فوادٍ فيك سمّار

وآلبي المغنى واعنّي

                         مرسال مكتوبي بالاشعار

ليلة صفا وانساب فنّي

                       من حلو فنًّ فيك محتار

أكتب واطرّش لك واثنّي

                          وانوّع المعنى والافكار

إنت السبب وتقول منّي

                          واقول منّي .. ومنك الاصرار

ياليلة الاشواق غنّي

                             وتخلّدي للشوق تذكار

وين همساتك وتنهيدك

                       واختصارك في مسافاتك

إختفى وصلك وتغريدك

                      واختفت عنّي هديّاتك

وين بالقاها مواعيدك

                           واشتياقك واتصالاتك

لو تشوف الحال بيعيدك

                         بتذكّر حلو ساعاتك

فرحة الولهان في إيدك

                            وارتياحه في استجاباتك

مكتمل عيده على عيدك

                        واحتفالاته احتفالاتك