انت تتصف الان "قصائد 3"
نوفمبر 27, 2014 - قصائد 3    لا تعليقات

قصيدة الصبح

                             

يا صباح العالم و نوره

                            يا صباح الشّادي و خيره

لك معاني الشّوق منثوره

                         فوق شوق الامس لك غيره

في هواكم طيّر طْـــــــيوره

                           قلب واصبح عندكم طيره

ما يبان الغايب حضوره

                              غــــــــير في الاحلام تصويره

نفس و تْناجيه مجبوره

                               يوم قَلْ الشعر تعبيره

ع الزقر لي نفس ماموره

                          صاحبٍ و اطوي له السّيره

في الهوى كمّلت له صوره

                               ودّي اسْمعها تفاسيره

إقرأ المزيد »
نوفمبر 20, 2014 - قصائد 3    لا تعليقات

قصيدة لقاء

                                  

قربت ساعة تلاقينا

                               ياحبيب الروح في بلادك

افترقنا في ضحى  اثنينا

                                واللقا في ساعة ارقادك

يوم ناس الحي غافينا

                               لو عشاني طول اسهادك

بنتصافح بس بيدينا

                                وانت ساير تبغي وْسادك

في النهار  الغافل ايّينا

                              كيف و احنا بين حسادك

بنتواعد في ملافينا

                                 يا محبي بسمع انشادك

لك بغني بالتلاحينا

                              دوم و المعنى  على امرادك

ما كفانا ود ماضينا        

                             حط حاضرنا على امجادك

 

إقرأ المزيد »
نوفمبر 20, 2014 - قصائد 3    لا تعليقات

قصيدة قصّه

                      

 

في الحب عندي وصف قصّه

                                   اثنين حبوا حب غربال

الاوّليى غاليه رصّـــــــــــــــــه

                                  وثّق عليه  حبال و حبال

خصه بشيٍ ما يخصّه

                                 من فرط ما يهواه  يحتال

والثاني اللى قال غصّه

                                     كذاب يبغى حب عيّال

شي من حديثه دس نصّه

                             و اظهر لذي  في وصفه يقال

في الحب كلٍ نال حصّه

                                  إلاّ هــــــــــواهم عشرة امثال

 

 

إقرأ المزيد »
نوفمبر 20, 2014 - قصائد 3    لا تعليقات

قصيدة الصورة

                      

وقّفتني م الصور  صوره

                                  يوم  توّه مبتدي ودك

ماملكني غيرك بشوره

                                منفرد في خاطري وحدك

قصة ٍ في الحب مشهوره

                                 اكتبوها الناس من بعدك

فسروها نفس معذوره  

                                  في هواك و وضّحوا سدّك

روح باالاشواق  معموره

                                    قل متى بيعود لي وعدك

نفس مجبوره و منصوره

                                     بك و تهديها عطر وردك

وبنشِدِك ياراعي الصوره

                                  مابحصّل صورتي  عندك؟

إقرأ المزيد »
نوفمبر 20, 2014 - قصائد 3    لا تعليقات

قصيدة حرف و نقطة

رد  لو بالحرف و النقطة

                                    رد لو بتقصّر حروفك

شوف حرفك كيف انا آخطه

                               شوق والصاحب يبى يشوفك

حب متوافي على شرطه

                                 دوم و ظروفه من ظروفك

و ان بدت سهواتٍ و غلطه

                                    تنغفر في ظل معروفك

بِعد و الارواح مرتبطه

                                   روح متلوفك تبى تلوفك

صاح قلبي  قلت باحطّه

                                   عند بابك ينظر شروفك

 

إقرأ المزيد »
نوفمبر 20, 2014 - قصائد 3    لا تعليقات

قصيدة غالين

غالين يا اهل الود غالين

                                     ما اقدرّ افرق بينكم حد

يانع ثمركم في البساتين

                                    وْ تِقِر عيني وين ما اصد

و اشوف حالي م السلاطين

                                     و اكثر بعد مادام لي ود

تحلى  القصايد بالتلاحين

                               واحلى الهوى لي بالوصل مد

غنيت  حبي للملايين

                               و لا ابات  لي في خاطري  سد

شاف المحبه  والتبايين

                                  رد ابْسِــــــعِيه مْـــــــــعاذلي رد

وسمعت لي م الود خالين

                                    قالوا  نبى من ودّكم حد

 

إقرأ المزيد »
نوفمبر 20, 2014 - قصائد 3    لا تعليقات

قصيدة أطياف

الهوى له سَمت  واعرافِ

                                           هوب كلٍ يعرف  فنونه

والذي ما يِبْخص الوافي

                                           ردّت الاشواق من دونه

ليش كدرتوا لي الصافي

                                           موردي و انتوا  ترودونه

مْعنايه واضح اوصافي

                                        و انتوا تغيرون  مضمونه

كمّ لي من جملة و لافي

                                         مكتمل شكل  على  لونه

لوباغرب تيني اطيافي

                                         درب  و العشاق  يتلونه

عاذلي وان رد لي لافي

                                      ما ارتضت  نفسى له مهونه

ياخذ جفوني له لحافي

                                          عين بالخلان مسكونه

 

إقرأ المزيد »
نوفمبر 20, 2014 - قصائد 3    لا تعليقات

قصيدة عــــن…….لا

                              

 

قيّدت  نفسي بالسلاسل

                                   عن لا تقول الناس عيّال

و صافيت كل من كل عاذل

                                 و ارضيت من بوطبع زعّال

مالي على لوم و مشاكل

                                    واللّي يعاند ربعه…هبال

و الراي بين الناس ماثل

                                    ناخذ بلين القول لامثال

دون الصعب خذنا التساهل

                                      حتى اليسير يْغير احوال

وان حلّت بحالي نوازل

                                    قطّعت عن خلاّني اوصال

ما اغث خلاّن المواصل

                                       غالين ما ابى تيهم اوبال

أبعِد و اغيّر لي منازل    

                                      منكور حلو الحال لو مال

إقرأ المزيد »
نوفمبر 20, 2014 - قصائد 3    لا تعليقات

قصيدة عذْب الهوى

                      

دنيا على امّا فيها

                                 ما فيها  لي شراك

دار العرب  ما اييها

                               يوم احتجب ملفاك

والعين  ما يغنيها

                                  لي بالشبه  ساواك

حتى  و لا يلهيها

                                  لحظة سهو تنساك

عْذب الهوى  يغريها

                                   وْ لاتستلذ بْلاك

يا ذا المحب  انهيها

                                  حاله عقب فرقاك

بالوصف كم ارويها

                                  والعــــــــــين  تتحراك

ليت الصبر يرويها

                                  نفسٍ شِرِبْها ماك

و القول في تاليها

                                            بعد الغالى هلاك                            

إقرأ المزيد »
نوفمبر 20, 2014 - قصائد 3    لا تعليقات

قصيدة روِّحوْا

روّحوا لي كانوا احذايه

                                      واتركوني في الهوى  روحي

عذبوني .. قالوا  ابرايه

                                    يوم  ياهم في الخبر نوحي

بالدموع الروح  منسايه

                                  والشروح  وضوح في جروحي

عن بكاها  النفس  منهايه

                                          كم تعذر  للملأ بوحي

قلب و تبدل لحن  نايه

                                         و انجبر بالمشتكى يوحى

نزلوا  له  في الهوى  رايه

                                  و كْسروا  له  في الرجا لوحى

شوق والاحباب معنايه

                                          مالقت  غيّابها روحي

إقرأ المزيد »
الصفحات:1234»

quadcopters