انت تتصف الان "قصائد 2"
نوفمبر 20, 2014 - قصائد 2    لا تعليقات

قصيدة ألف قلب

 

لـو هـو ودادك مثـل ودّي

كان اهتنينا واكـتـفيـنا

 

مجمل حسابك غير عدّي

يا وين حالي وأنت ويـنا

 

ما يسـتـوي جـزرك ومدّي

حـبّـي غـشـاك ومن سنينا

 

ولـو بالـوفا حاولت تـادّي

ما يـنـوفـى في الحـب دينا

 

لا تحـســب اللقـيـا تعدّي

فرقاك تـفرح مبغضينا

يا مـعرضٍ لي بألف خدّي

لي ألــف قـلبٍ بك رهــيــنـا

 

يوم اسـتجـيـرك درت ضدّي

وتــقول ما يــسوى عـلـيـنا

 

والله لو بـك مــثل ودّي

كان ادمعت لي مـنك عـينا

 

 

إقرأ المزيد »
نوفمبر 20, 2014 - قصائد 2    لا تعليقات

قصيدة أهـواه …

 

يقرا تحـياتي ولا يـرد

واهواه انا يا ناس كل حيـن

 

ويـصد عـنّي يبغي البعد

واتبعه في الحب عـمرين

 

قالوا هـواكم ضد في ضد

كيـف الغـرام اِمـبـين نـدّيـن

 

قـلت السـبب لي عظّم الود

بـيني وبين صويـحـبـي ديـن

 

يـومٍ عليه .. ايـرد ويـسد

يوفي بلطـفٍ يخجل العين

 

واليـوم بـيـني وبـيـنه اشتد

ديـنٍ عـيّه صار ديـنـيـن

 

كلـْما عـنيـته عاند وصد

حتى ولا حــصّـلـت بـعدين

 

اليـوم خلّي عـطّـل العهد

حرّم عــلـيـنــا نـْكـون خلّـيـن

 

 

إقرأ المزيد »
نوفمبر 20, 2014 - قصائد 2    لا تعليقات

قصيدة ألف توبه  

 

خـبِّـروه انّـي محـبٍ لّه

يا هَل المعروف سيروا له

 

هالله هالله يا هَل الملـّـه

مهجـتي سـنـتـين مـعـلوله

 

عـزم صبري صابي ذلّه

وانـتـصر في الحي قولـوا له

 

بـس لا يجـسـي عــلى خلّه

ولا تكـون النـفـس مـهموله

 

تـشتـكي من عـقبه الــخِـلّه

وليـتهـا بالعـطـف مـشموله

 

ألف توبه مـن عـقـب زلّه

ويـن شرع الـحب وعـدوله

 

 

حـق لــه يــختال في دِلّه

والاوامر منْـه مقـبوله

 

خبِّـروه ابغيه لي كـلّه

وابعدوا العذاّل من حوله

 

 

إقرأ المزيد »
نوفمبر 19, 2014 - قصائد 2    لا تعليقات

قصيدة لـيـش ؟؟

 

 

ليش يـوم أبغيك .. ما شوفك

ويـوم تـبغـيـني ألـّي لك

 

ليش دوني صعـبة ظــروفـك

محرمنّـي من تـساهيلك

 

تجـعله وصلي على صـدوفك

ما تـخصه في مواصـيلك

 

ضاع في مـلقاك معروفك

واختلط دقك وتـمـثـيـلك

 

ما تّعـنّا شـوف مـتـلـوفـك

بـك لجا وان زاد تـعـلـيـلك

 

ما أظـنّـه ذاك مـن خوفـك

وأنت يا اللّي في تـبجّـيلك

 

معتلي منوالك ونـوفك

وليت أنا مـنها منا ويلك

 

ناسي فوادي على رفـوفك

وفرّحت غـيري مراسـيلك

 

 

لو أنا ما هوب مولوفك

قول ما نـبغـي مواويـلك

 

بابعد عـيـوني عـن تــشــوفـك

بـس غــيري مـن يـلبّـي لك

 

 

إقرأ المزيد »
نوفمبر 19, 2014 - قصائد 2    لا تعليقات

قصيدة مواعـيــدك

 

 

منك ما تصدق مواعيدك

وغلطتي اصدّق وعودك

 

كم يطمنـّي تأكّيدك

وانخدع في آخـر عهودك

 

تـشـكي اصفحات تجديدك

كـثـر ما تـلّـفـت موعـودك

 

ما كفى …  وتــشـيـع تـرديدك

بـانـّني مـن يـبغـــي صدودك

 

خـاف ربّـك دامنـي بـقـيــدك

وأنت أدرى بـي عـن شــهــودك

 

طاب في شــعـري تـمـجّــيــدك

واختـفـى حـرفي من ردودك

 

وادري انّـي من مواد يـدك

بس ما تجليـه مـقـصـودك

 

وبـين ما وعدك وتـوعـيـدك

احـترمـتـه ذوق عـنـقــودك

 

 

إقرأ المزيد »
نوفمبر 19, 2014 - قصائد 2    لا تعليقات

قصيدة الـناس حالات

 

مـتعـوّدٍ تـزعل واراضـيك

وغــيـّرت اَنا لي بـعـض عادات

 

لا تنـتظر مـنّـي أراشـيك

ولا تـظـن أنا لي شـيــن نـيّـــات

 

لا أنا خـطــيــت ولا بـعاديـك

ومسموح عن كل الخطـيّات

 

وان كنت متـشـوّق أناجـيك

لا تنتظر مني بدايات

 

لا هو كـِبِر أو عنْـد ذا فـيـك

طبعي اخـتـلف والناس حالات

 

اشوف حولـك ناس تـكفيك

خذها بدل ثم عيش راحات

 

لاوّل اغار وصعب اخلّيك

والـحـمد لله مات ما فات

 

مـا با تــّصـل ولا بجـافـيـك

والـصلح يـبغي له علامات

 

 

 

ما يكسر الخاطر تباكيـك

حالـف انا ما اعيد عـادات

 

 

 

 

إقرأ المزيد »
نوفمبر 19, 2014 - قصائد 2    لا تعليقات

قصيدة لعـبـك

 

 

في الهوى مزّعــت انا كـتـبك

ولا بقى وصـلٍ ولا مْعاتـب

 

ما يهمني من سكن قـربـك

وان بدى ما بـيـنكم جاذب

 

ولو تــزيّـن بالدلع دربـك

بالدلع ضيّـت لك صاحب

 

وان نويت تعــيـد في لعـبـك

من يـرجّـع وقـتـك الذاهـب

 

خَــلّْ مـيـزان الهـوى قـلـبك

واتّـضح لي غـيـر مـتـناسـب

 

شـوف قـلـبي لي تـعذّب بك

كـمّ له في ودّك مْـحاســب

 

اكـتـفى بْـتـاريـخ مـع حـبّـك

وانتـهـى بك وانـتـه الـكـاتـب

 

إقرأ المزيد »
نوفمبر 19, 2014 - قصائد 2    لا تعليقات

قصيدة إتـذكّـر

 

 

عِـد كـمٍّ وعـد خلّيـتـه

عِـد واتذكّر مواصيلي

 

ليش حبل الود يـرّيـته

ليش نـبّهتوا معاذيلي

 

يوم انادي حَد سمـّيـته

باسمك اللّي في مواويلي

 

ما بالومـك كان ملّــيـتـه

قـلـبي اللّي في تباهــيـلِ

 

بـس لا تنـسى تـصاويــتـه

يـوم غــنّى بـك تـدلّـيـلِ

 

أشـهـد انّه في تـشـتّـيـتـه

وأنت من لغـزك تعاليـلِ

 

وش بــسوّي في مواقيـتـه

يـشـتـكي قلبي تـملّـيـلِ

 

لـيت وعدٍ يوم وافـيـتـه

تـذكـره وتعود تاويـلـي

 

إقرأ المزيد »
نوفمبر 19, 2014 - قصائد 2    لا تعليقات

قصيدة انتـبـه!!

 

قال: لا تكتب وتـمد حنــا

نحـن أدرى عن معـانـيـنا

 

في بـروج الحـسـن مسكنّــا

ويـن ما نـنـظــر .. بساتـيـنـا

 

ما نـقـرّب نـبع موردنا

غـير من نبغـي ويعـنـينا

 

 

كيف تقدر أن تحذّرنا

عــن هـوىً وتقول يغـريـنا

 

ما حـصل مــن هـو بـيـفـتـنّـا

ما تـشـوف أنا سلاطينا

 

انتبه واخْـذ الحذر مـنّا

ما سلم من جا حوالـينا

 

لا تـقارب من محاضرنا

كان ما بلـّغـك داعيـنا

 

وأنت كيف يساورك ظـنّا

نـفـتـن بْـخل وبـيـبليـنا

 

أخذلتنا يــوم تـتجـنّـى

وأنت أدرى عـن خوافينا

 

نـنتـقـي دايـم ونـتـأنّــى

عـندما نخـتار غالـيـنا

 

نـسـتخـصّـه لو يزعّـلنا

مثـل ما نـبغي يجاريـنـا

 

 

 

إقرأ المزيد »
نوفمبر 19, 2014 - قصائد 2    لا تعليقات

قصيدة لوّمت نـفـسي

 

 

تـموت في عينـي وتـحييـك

ذكراك في قـلـبٍ يـودّك

 

لوّمت نفسي كيف اخـلّـيك

اموت يوم اذْكرك وحدك

 

ما صدّقـت عيني تبكّـيك

وجمّعت كل الـناس ضـدك

 

كلها تـفاكـيري تخـطّـك

صـدّيــت يـوم أرسلت وفدك

 

ياما أصبرك ع اللـي يجافـيـك

ويعـمـّـني بـاللطـف ردّك

 

 

 

من قـبل تأسرني معانـيك

يـا سيدي والـيـوم عـبدك

 

وش ما بــاسـوّي ما بـوفّـيـك

حـقّـك كـبـر والأمر عندك

 

معذور لو تعلن تغانـيك

ويا مْصيبتي في الناس بعدك

 

شنـّع بـنـفـسٍ فـرّطــت فــيــك

واذكر دموعٍ فـوق خــدّك

 

راضي ولا هـو من تـجـنّـيـك

لو تحرق فوادٍ يـودّك

 

 

إقرأ المزيد »
الصفحات:«1234»

quadcopters