نود ناسم .. هب ذعذاعي

مِن جدا اللّي شوفه ايسلّي

طيب ريحه .. زهره انواعي

نــرجسٍ مــع فــايعْ الـفـلّـي

يـاليت قلبـي ما عـرفكم

ليـت الـمـودّه عني بعـيد

حيث المدامِع من سببكم

القلب شاقي لاظي وْقيد

محّد بقى لي م المضانين

مـا تـم منهم يا عـرب حـد

عديتهم عشره وعشرين

و اليوم تصفر عقبهم يــد

يعل اليمر يصلاهم
ناسٍ عليّْ اشحاح

ويعل المروره ماهم
مشروبه كل صباح

والشّوك في مجراهم
يـرّث تليف اجــراح

لـك بجدّم ياللّخّو عذري
صـادقٍ مـن قلب ودّادي

إنزح الاكدار عــن صدري
بطلب السمحان يااسنادي

فـي حديثك شوق المــودي

أستشف منّه شقا الشاقي

أسمـعه وآسـج بـالسهـدّي

سابحٍ فـي بـحر لاشـواقي

بـت اسامر صــادق الفنّــا

في الدجا و النّاس غافينا

انتهل مـن نبعـه المعنى

جيل حـالي بالمضامينا

طيرْ سعدك في السِّما علاَّ
صـادحٍ بـانغــامْ لـعْـيادي

لــي على عود الفرح حلاّ
في الوصل يسجع بلنشادي

حيِّ صُوتِكْ حَيِّ لِبْشَارَه
حَيِّ لِعْلُوم المِثَامِينه

عَدّ صِبْحٍ بَانَتْ انْوارَه
وْطَايِرٍ رَدَّدْ تَلاحِينه

الصّديج يْـصون ميثاقه
مـا يبـدّل صاحبٍ وافـي

مفترق عن جملةْ رْفاقه
للـوفا و الصدق عـرّافـي .

(1991)